START TYPING AND PRESS ENTER TO SEARCH

Эндаскапічны кабінет

1 паверх

  • загадчык дыягнастычнага аддзела:
    Марахоўскі Кірыл Юр’евіч
    медыцынская сястра (старэйшая):
    Снігірава Елена Васільеўна

  • +375 17 292-04-19 – загадчык дыягнастычным аддзелам
    +375 17 378-41-77 – медыцынская сястра (старэйшая)
    +375 17 379-52-03- эндаскапічны кабінет

Эндаскапічны кабінет з’яўляецца структурным падраздзяленнем РНПЦ дзіцячай хірургіі і ажыццяўляе шырокі спектр сучасных высокаінфарматыўных дыягнастычных метадаў даследавання.
На працягу года ў эндаскапічным кабінеце выконваецца каля 2500 дыягнастычных даследаванняў і больш за 450 аперацый з ужываннем гібкай эндаскапіі.
Сучасныя эндаскапічныя методыкі робяць шматлікія аператыўныя ўмяшанні малаінвазіўнымі і максімальна паскараюць паспяховае лячэнне. Лічбавыя тэхналогіі дапамагаюць нашым лекарам не толькі дыягнаставаць захворванні органаў стрававальнай і дыхальнай сістэм, выяўляць паталагічныя змены на ранніх стадыях, але і дасканала кантраляваць ход агляду або аперацыі, праводзіць кансіліумы ў момант даследавання, а таксама вяртацца да вынікаў аперацый і дыягнастычных даследаванняў зробленых 3-5 гадоў таму.
Аддзяленне абсталяванае сучаснай эндаскапічнай апаратурай фірмаў Olympus і Pentax. Наяўнасць эндаскопаў малых дыяметраў («педыятрычных») і ўльтратонкіх эндаскопаў дазваляе бяспечна праводзіць абследаванне і лячэнне дзяцей усіх узроставых груп, у тым ліку дзяцей нованароджаных. Большасць эндаскапічных умяшанняў праводзяцца пад агульным наркозам, у стацыянарных умовах.

Супрацоўнікі аддзялення

У аддзяленні эндаскапіі працуюць урачы з першай і вышэйшай кваліфікацыйнай катэгорыі. Супрацоўнікі кабінета маюць вялікі досвед працы. Урачы пастаянна прымаюць удзел у канферэнцыях, навучанні, рабоце ў іншых клініках і г.д.

Асноўныя віды эндаскапічных даследаванняў

  • эзафагагастрадуадэнаскопія (агляд стрававода, страўніка, 12ПК)

  • калонаскапія (агляд тоўстай кішкі)

  • балон асісцірваная энтэраскапія (агляд тонкай кішкі)

  • рэктасігмаскапія (агляд прамой і сігмападобнай кішкі)

  • гнуткая і рыгідная бронхаскапія дзецям, у тым ліку нованароджаным (агляд гартані, трахеі і бронх)

  • эндасанаграфія (эндаскапічная ультрасанаграфія) з дапамогай ультрагукавых міні-зондаў Olympus у тым ліку нованароджаным

  • капсульная эндаскапія

Падчас эндаскапічных даследаванняў па сведках выконваюцца наступныя метады дадатковай дыягностыкі:

  • прыцэльная біяпсія слізістай і паталагічных утварэнняў для гісталагічнага даследавання, дыягностыкі цэліякіі, запаленчых захворванняў тоўстай кішкі (хвароба Крона, неспецыфічны язвавы каліт)

  • «лесвічная» біяпсія стрававода для дыягностыкі эазінафільнага эзафагіта

  • вызначэнне Helicobacter pylori

  • агляд слізістай з дапамогай метадаў дадатковай візуалізацыі – у рэжыме вузкахвалевага асвятлення і аптычнага павелічэння

  • бронхасмыва на мікрабіялагічнае, цыталагічнае, мікалагічнае даследаванні

  • бронхаальвеалярны лаваж, біяпсія (шчыпцавая і браш-біяпсія)

Выконваюцца наступныя эндаскапічныя лячэбныя маніпуляцыі і малаінвазіўныя аперацыі

  • эндаскапічная поліпэктомія

  • эндаскапічны гемастаз (кліпіраванне, абколванне, каагуляцыя крывацечнага сасуда, з ужываннем аплікацыйных гемастатыкаў)

  • выдаленне іншародных цел стрававода, страўніка, тоўстай кішкі, трахеі і бронх

  • эндаскапічная балонная дылятацыя пры паталогіі стрававода і тоўстай кішкі

  • стэнціраванне полых органаў ЖКТ

  • эндаскапічнае склеразаванне вянозных мальфармацый ЖКТ

  • лігіраванне і эндасклеразаванне варыкозна-пашыраных вен стрававода

  • празскурная эндаскапічная гастрастамія

  • пастаноўка тонкакішачнага зонда для энтэральнага харчавання

  • эндаскапічная рэзекцыя і дысекцыя слізістай ЖКТ

    • Выконваюцца такія ўнікальныя аперацыі як:

    • Аднаўленне прасвету дванаццаціперснай кішкі пры некаторых варыянтах высокай прыроджанай кішачнай непраходнасці;
    • эндаскапічнае лячэнне прыроджаных і набытых стэнозаў трахеі і галоўных бронх і трахеахарчовых свіршчоў.

    Пацыенты пасля эндаскапічных умяшанняў знаходзяцца пад назіраннем вопытных хірургаў, педыятраў.

Skip to content